Logwood

Is jy alewig opsoek na 'n veilige plek om met jou bergfiets te gaan ry, maar weet nie altyd waar om te gaan ry nie, en ook nie hoe veilig dit vir jou gaan wees nie.

Die "Logwood Bike Haven" is sentraal gelee tussen Johannesburg en Pretoria in Gauteng. Logwood is 'n gesellige fietsry plek wat bestaan uit enkelpaadjies vir ALMAL. Daar is roetes vir die beginner reg deur tot vir die professionele fietsryer. Logwood is veilig omhein so dus is dit veilig vir die hele gesin om daar te gaan fietsry asook veilige parkeering vir jou motor. Lekker groot bome waar jy kan piekniek hou of as jy die gasbraaier inpak kan jy sommer 'n lekker vleisie op die kole (of gas) gooi.

Logwood se roetes word in drie geklasifiseer. Eerstens kry jy die groen roetes wat vir die beginner is. Hierdie roetes is geskik vir die bergfiets beginner, kinders en vrouens. Tweedens kry jy die blou roetes. Die blou roetes is goed vir al die fietsryers wat al 'n hele rukkie lank fietsry en vertroud is met sy vaardighede op die die fiets. Daar is so hier en daar op die blou roetes ietsie moeilik ingegooi wat jou vermoe sal toets. Laastens kry jy die swart roetes. Die swart roetes is bedoel vir die mense wat glad nie bang is vir enigeiets wat 'n fietsroete in jou rigting kan gooi nie. Hierdie roete word nie eers aan beveel vir professionele fietsryers nie, maar meer vir fietsryers wat belangstel in Vryfietsry.

Dit kos slegs R50 per persoon vir die hele dag se genot by Logwood. Hierdie geld word reguit terug gesit om die roetes te onderhou en seker te maak dat alles in goeie ry kondisie is.

Met al hoe meer uitbreidings en nuwe huise wat gebou word, word die plekke om te gaan fietsry al hoe minder in Gauteng. Hierdie is def een van die fietsry plekke wat gaan bly!

Onthou!!! Geen valhelm, geen toegang.

-Alles Fiets-

Groenkloof Natuur Reservaat - Pretoria

Groenkloof Natuur Reservaat is slegs 5km van die Pretoria se middestad, maar as jy eers binne in die reservaat is vergeet jy sommer dadelik dat jy eintlik in die middel van een van Suid-Afrika se besigste stede is.

Die geskiedenis van Groenkloof Natuur Reservaat gaan so ver terug as 1895. In 1895 het presedent Paul Kruger die gebied as 'n wilds reservaat geproklameer. Dit was ook die eerste stuk land wat as 'n wild reservaat geproklameer was op die Afrika kontinent. In 1994 het die reservaat deel geword van die natuur bewaring en ook deel van die vakansie oorde onder die Tswane Munisipaliteit. In 1999 is daar weer wild in die reservaat vrygestel. Van die soorte wat hier vrygelaat is is onder meer Rooibok, Kudu, Blou Wildebees en Volstruis. In 2002 is daar Kameelperde en Rooi Hartebeeste bygevoeg en 'n jaar later Zebras.

Die hele reservaat is oortrek met fietsry roetes wat goed aangedui word deur bordjies met fitsryers op. Daar is roetes wat vir enige sterkte fietsryer gemaklik sal wees. Dit is wat dit so lekker maak om hier fiets te ry, want jy kan die hele familie saam bring om 'n lekker dag "buite" die stad se gejaag te geniet. Binne in die reservaat is jou motor veilig en kan jy op jou gemak die roetes gaan geniet.

In 2007 het hulle die fiets roetes opgegradeer en het baie enkel paadjies ingebring wat tussen die bome en bosse deur gaan waar jy nie gewoonlik met jou fiets kon gery het nie. Dit beteken dat jy baie meer wild sien terwyl jy op jou fiets is as gewoonlik. Dit bring 'n hele nuwe avontuur in jou fietsry geleentheid in.

Daar is van die roetes wat net deur fietsryers gery kan word wat al redelik ervare is, maar daar is altyd 'n paadjie wat jy kan gebruik om om die moeilikke dele te ry, so jy kan heeltyd redelik naby jou gesin wees en die wild saam geniet. Die roetes wissel van 5km tot en met oor die 50km as jy al die paadjies binne die reservaat ry.

Onthou om bietjie hout en 'n vleisie of 'n piekniek mandjie saam te vat om onder die groot bome by die parkeer terein te braai en kuier as julle klaar gery het.

Groenkloof natuur reservaat bied ook 'n 4x4 roete asook 'n roete wat jy met jou eie motor kan ry deur die reservaat om vir diere te gaan kyk. Daar is ook 'n jeugkamp wat tussen 30 en 50 kinders kan huisves.

Kontak besonderhede:
(besprekings slegs nodig vir mense wat wil oornag)

Telefoon nommer: +27 (0) 12 440 8316/ +27 (0) 12 341 0591
Faks nommer: +27 (0) 12 341 0483
e-pos: davidb@tshwane.gov.za

Vir verblyf in Pretoria klik hier

Adres:

Groenkloof Natuur Reservaat

Posbus 1454

Pretoria 0001

Plekke om te gaan ry - Newcastle - Donkiespas

So 25km buite Newcastle in die noorde van Natal is daar besig om groot dinge te gebeur. Dunblane is ‘n groot nuwe gholf landgoed wat besig is om ontwikkel te word aan die voet van Donkiespas. Op hierdie stadium is dit ‘n groot gewerskaf met al die konstruksie wat in die omgewing aan die gang is, die konstruksie sal min of meer teen die einde van 2009 klaar wees.

Daar word elke jaar in Augustus ‘n bergfiets wedren gehou by Donkiespas, wat elke jaar net groter en groter word. Met meer prys geld en groter borge wat vorentoe kom, word dit ‘n lekker uitstappie vir die hele familie. Saam met die bergfietswedren word daar ook ‘n Donkiespas hardloop wedren aangebied die Saterdag. Die Sondagoggend vroeg kan jy met jou 4x4 (def een nodig) saam met ander mense wat die natuur geniet, met Donkiespas tot bo op die berg ry en met ‘n piekniekmandjie vir die sonsopgang kyk.

Donkiespas is ‘n ongelooflike mooi area om in rond te ry met jou bergfiets. Afgesien van die pas self (en die bestes van die bestes sukkel om hom uit te ry sonder om te stoot) en die asemrowende uitsig van bo af, is daar ‘n hele paar denne plantasies met enkelpaadjies wat ‘n mens op kan ry. Dit is ‘n baie lekker uitstappie vir die hele gesin om daar te gaan rondspeel met die bergfietse.

Newcastle is een van die mooiste dorpies in die Noorde van Natal. Daar is ongelooflik baie paadjies om te gaan ry met ‘n bergfiets of ‘n padfiets. Weet net as jy besluit om daarheen te gaan, gaan jy definitief genoeg oefening op bulte kry. Met Amajuba pas, Botha’s pas en Tierkloof is daar oorgenoeg opwindende roetes vir jou en jou padfiets, en met so baie passe vir die padfiets kan jy jouself net indink hoe baie bergfietspaadjies daar is.

Vir meer inligting oor verlyf in en rondom Newcastle, klik hier.

Vir meer inligting oor die roetes in en om Newcastle en Donkiespas skakel gerus die einaar van die plaaslikke fietswinkel :

Chris vd Linde

Triathlon Cycles

Selfoon: 082 417 0303

Telefoon: 034 315 4055

Faks: 034 312 1226

Epos: mailto:chris@triathloncycles.co.za?Subject=Request

Plekke om te gaan ry - Clarens

Clarens is 'n klein dorpie in die Oos Vrystaat naby die Golden Gate. Hierdie toeriste aantreklikheid is die eerste "Proudly South African" dorp en is baie gewild onder mense wat hou van die natuur, buite lewe en mense wat sommer net bietjie wil wegbreek uit die stad uit. Minders as 3 ure se ry vanaf Pretoria en Johannesburg maak hierdie 'n populêre wegbreek bestemming vir die hele gisin. Met 'n wye keuse van bed en ontbyt, vakansie oorde en kamp fasiliteite in die nabye omgewing is daar verblyf wat enige persoon se sak sal pas. Vir 'n unieke fietsry geleentheid is hierdie defenitief een van my gunstelling bestemmings om net bietjie weg te breek uit die gejaagde lewe van die stad.

Maak net seker dat jy die belangrikste benodighede saam met jou vat as jy in Clarens se omgewing gaan fietsry. Sorg dat jy genoeg vloeistof en ietsie om te eet saam vat (veral in die somer), die ‘altydbelangrike’ ekstra binneband en pomp/co2 bommetjie.

Moet nooit alleen gaan ry nie, 'n mens weet nooit wat kan met jou om die volgende draai gebeur nie. Ek was net na die winter van 2007 in Clarens gewees en het dit ongelooflik baie geniet om op al die nuwe paadjies rond te ry wat ek nie ken nie. Ons het baie wild gesien, soos Zebra’s, Jakkalse, Arende ens.

Wat Clarens 'n lekker bestemming maak vir fietsry is dat jy jou ou bergfiets in die stoortjie kan afstof en die honderde verskillende bergpaadjies aan die voet van die Drakensberge net soveel kan geniet soos die persoon wet met sy dun wiel resies perd verby Golden Gate gaan ry om die wonderlike natuur te bewonder.

Ek raai julle sterk aan om 'n klein kammeratjie in te pak as dit moontlik is en bietjie van julle onvergeetlikke herinneringe vas te vang om as jy terug is in die gejaagte lewe van die stad, ietsie het om te onthou.

As julle sukkel om plekke te vind om te ry en dalk moontlik verdwaal, vra gerus van die vriendelike plaaslike inwoners van Clarens om julle in die regte rigting in te wys.

Na 'n lekker lang fietsrit, raai ek julle gerus aan om enige van Clarens se vele koffie winkels te ondersteun en bietjie van jou kragte te herwin. Vir die van julle wat soos ek is, en 'n baie soet tand het en nooit net 'n koppie koffie kan drink nie en ietsie moet saam eet, kan julle gerus 'n “klein” snytjie koek of tert geniet.

Ek hoop julle geniet die wegbreek na een van ons land se klein juweeltjies net so baie soos ek dit geniet het en dat julle iets saam sal vat huistoe wat julle vir altyd sal onthou.

Klik hier vir verblyf in Clarens.